टीकाकाराकडे चांगल्या विचाराच्या माध्यमातून पहिले तर त्याचा फायदा आपल्याला जास्त होतो – खासदार सुनील तटकरे

नागोठणे ग्रामीण विभाग पत्रकार असोसिएशनचा बारावा वर्धापन दिन उत्सहात साजरा
नागोठणे ( विशेष प्रतिनिधी ) – महाराष्ट्रासह देशातील पत्रकारा आद्य पत्रकार बाळशास्त्री जांभेकर यांचा वसा चालवीत असून पुढच्या काळात देखील निश्चितपणे चालवीला जाईल असा विश्वास मला आहे. पत्रकार ज्या वेळी समाजामधील खरे वास्तव मांडण्याचा प्रयत्न करतात त्यावेळी काही अशा प्रवृत्ती असतात त्यांना लिहलेले सहन करण्याची ताकद नसते. मी माझ्या अविष्यभरामध्ये माझ्यावरती गौरवाने लिहलेले सुद्धा स्वीकारले. माझ्यावर ज्यावेळी टीका झाली त्यावेळी सुद्धा मी आनंदाने स्वीकारले. मी कधी कुणावर आक्षेपाने बोललो नाही. त्याने लिहलेले आपल्यासाठी उदबोदक असले पाहिजे या विचाराच्या माध्यमातून टीकाकराकडे पहिले त्याचा फायदा लिहणाऱ्यापेक्षा आपल्याला होत असतो या विचारधारेने मी गेले चाळीस वर्ष सार्वजनिक व राजकीय जीवनात वावरत आलेलो असल्याचे प्रतिपादन भारत देशाच्या संसदीय पेट्रोलियम आणि नॅचरल गॅस कमिटीचे अध्यक्ष व विद्यमान खासदार सुनील तटकरे यांनी केले. नागोठणे ग्रामीण विभाग पत्रकार असोसिएशनचा बारावा वर्धापन दिन ग्रामदैवत श्री जोगेश्वरी माता मंदिर प्रगणात बुधवारी ( दि.22) अतिशय खेळीमेळीच्या व उत्साही वातावरणात पार पडला त्यावेळी खासदार तटकरे उपस्थित जनसमुदायास मार्गदर्शन करताना बोलत होते.
यावेळी शिवसेना ( उबाठा ) जिल्हा सहसंपर्क प्रमुख किशोरभाई जैन, राष्ट्रवादीचे नेते नरेंद्रशेठ जैन, दिलीपभाई टके,हरीषशेठ काळे, नागोठणे सरपंच सुप्रियाताई महाडिक, अ.भा.म.पत्रकार परिषद अध्यक्ष मिलिंद आष्टीवकर, रायगड प्रेस क्लब अध्यक्ष मनोज खांबे, भाजप जिल्हा उपाध्यक्ष राजेश मपारा, राष्ट्रवादीचे नेते शिवरामभाऊ शिंदे, सदानंद गायकर, भाजप जिल्हा उपाध्यक्ष सोपानभाऊ जांबेकर, नागोठणे माजी सरपंच विलास चौलकर, डॉ. मिलिंद धात्रक, राष्ट्रवादी शहर अध्यक्ष बाळासाहेब टके, भाजप शहर अध्यक्ष सचिन मोदी, असोसिएशनचे संस्थापक शामकांत नेरपगार, अध्यक्ष ऍड. महेश पवार, सचिव अनिल पवार यांच्यासह पदाधिकारी व सदस्य आदिंसह ग्रामस्थ महिला वर्ग व असोसिएशनचे हितचिंतक उपस्थित होते.
वर्धापन दिनाचे औचित्य साधून कै. तात्यासाहेब टके ज्येष्ठ पत्रकार पुरस्कार अलिबाग येथील पत्रकार बळवंत वालेकर, उत्कृष्ट पत्रकार पुरस्कार खालापूर येथील पत्रकार प्रशांत गोपाळे व युवा पत्रकार पुरस्कार पनवेल येथील पत्रकार साहिल रेळेकर यांच्या सह विविध क्षेत्रात उल्लेखनीय कार्य केलेले के,के. कुथे भाऊसाहेब, विलास चौलकर, रमेश धनावडे, एम.के.पाटील सर, अंकुश कांबळे सर, सौ. वर्षाताई जांबेकर, किशोर शिर्के, दत्तात्रेय मढवी, निडी, संतोष ताडकर, कुमारी. प्रांजल गणेश घांगुर्डे, कु. जय शेखर गोळे यांना खासदार सुनील तटकरे यांच्याहस्ते गौरविण्यात आले. तसेच यावेळी असोसिएशनच्या संकल्प या स्मरणीकेचे व आठवणीतील तात्यासाहेब या पुस्तकाचे प्रकाशन खासदार तटकरे व उपस्थित मान्यवरांच्या हस्ते करण्यात आले.या कार्यक्रमाचे प्रास्ताविक व आभारप्रदर्शन असोसिएशनचे अध्यक्ष महेश पवार यांनी तर सूत्रसंचालन सुवर्णा चव्हाण यांनी केले.
खासदार सुनील तटकरे मार्गदर्शन करताना पुढे म्हणाले कि पत्रकार असोसिएशन तात्यासाहेब टके यांच्या नावाचा ज्येष्ठ पत्रकार पुरस्कार गेले बारा देत असून असोसिएशनने दीर्घकाळ पत्रकारांबरोबर विविध क्षेत्रात उल्लेखनीय कार्य केलेल्या कर्तृत्वानांना देखील सन्मान करीत आहेत ही कौतुकास्पद बाब आहे. एका छोटया समाजात जन्माला आलेल्या तात्यासाहेबांनी स्वतःच्या कर्तृत्वाचा आलेख इतक्या मोठया प्रमाणात निर्माण केला होता कि त्याकालावधीमध्ये आपल्या तालुक्यातच नव्हे संपूर्ण जिल्ह्यामध्ये जी काही मोजकी नेतेमंडळी म्हटली जायायची त्यामध्ये तात्यासाहेबांचे नाव अतिशय वरच्या स्थरावर होते अशा पद्धतीने खासदार तटकरे यांनी नागोठण्यातील तत्कालीनज्येष्ठ सामाजिक कार्यकर्ते तात्यासाहेब टके हे किती मोठे नेते होते हे उपस्थित जनसमुदायास समजावून सांगितले. यावेळी शिवसेना नेते किशोरभाई जैन यांनी असोसिएशनचे कौतुक करून नागोठणे तालुका निर्मितीसाठी खासदार तटकरे साहेबांनी आम्हाला मदत करावी अशी मागणी खासदार तटकरे यांच्याकडे करून नागोठणे शुद्ध पाणीपुरवठा योजनेचा पाया खासदार तटकरे साहेबांनी रचला आता आम्ही त्या योजनेतील कळस लवकरच रचनार आहोत असे शेवटी सांगितले. हा कार्यक्रम यशस्वी करण्यासाठी पत्रकार असोसिएशनचे संस्थापक शामकांत नेरपगार, अध्यक्ष अॅड. महेश पवार यांच्या मार्गदर्शनाखाली सचिव अनिल पवार, उपाध्यक्ष सुनील कोकळे, खजिनदार किशोर कदम, सहसचिव राजेंद्र जोशी, सदस्य विनोद भोईर, दिनेश ठमके, चेतन टके, राजेश पिंपळे, सचिन नेरपगार आदिं विशेष मेहनत घेतली.